ჩემო ლექსების სალაროვ,
შენა ხარ, ჩემი ძალაო.
ლექსო, თუ გამითავდები,
მეც წამიყვანე თანაო.
შენა ხარ, ჩემი იმედი,
ჩემი სახლი და ყანაო.
ულექსოდ, უსიყვარულოდ,
გულმა ვერ გაიხარაო.
ლექსო, ძილშიც და ცხადშიაც,
ჩემთან დადიხარ თანაო.
თუ სიყვარულმა დამტოვოს,
შენ არ წახვიდე არაო.
ჩემი ლექსების კონამა,
დიდი გზა გაიარაო.
ლამაზი ქალის ტრფიალმა,
ფუჭად არ ჩაიარაო.
ათენი 22/6 2013წ. თემურ სისაური. თბილისი.
Δεν υπάρχουν σχόλια:
Δημοσίευση σχολίου