krebouli

Σάββατο 9 Μαΐου 2015

მეგობრები

ჰეი ძმაო სულ შეგვივსე,
საფერავით ჭიქები.
მოვიგონოთ ახლობლები,
ჩვენი გოგო-ბიჭები.
რა დრო იყო დიდებული,
როცა ერთად ვიყავით.
მომეფანტნენ მეგობრები,
მწარედ დამწვეს ჯიგარი.
ზოგი ომში დამეღუპა,
ზოგი კიდევ თავისით.
უმეგობროდ დამკარგვია,
სიცოცხლე და ხალისი.
ნეტავ კიდევ ბრუნდებოდეს,
ჩვენი ახალგაზრდობა.
წლები გაქრნენ თან წაიღეს,
ქეიფი და გართობა.
ჰეი ძმაო სულ შეგვივსე,
საფერავით ჭიქები.
ვადღეგრძელოთ მეგობრები,
გოგოები ბიჭები.
დაულოცოთ ოჯახები,
გაუხაროთ გულები,
ისევ ერთად შევიყრებით,
ყველანი დავბრუნდებით.
დავრჩი ბოლო მოხიკანი,
დავაბიჯებ უცხო მიწას.
შორს არიან მეგობრები,
მათი ნახვა როგორ მინდა.

10/5 2015წ ათენი.
ვუძღვნი ჩემს მეგობრებს და
მეგობრობას.
თემური სისაური [ჭალელი].

Σάββατο 2 Μαΐου 2015

თერგი

დადუმებულა გიჟ-მაჟი თერგი,
მდორედ მიჰყვება ტყის მწვანე
ნაპირს.
მთებს აყრუებდა კავკასიონთან,
მისი ხმაური, ჩანჩქერის ჰანგი.
თითქოს დაღლილა, ერთ დროს
მჩქეფარე,
გულს მორევია სევდა და დარდი.
შორს დარჩენილა მისი სამშობლო,
წინაპართ სისხლი, ნაბრძოლი ხმალი.
გამოჰყოლია ქართული სული,
და სიამაყე ვით მთისა არწივს.
ნუგეშად მიაქვს ქართული მიწა,
თავის სამშობლოს სხვაზე არ
გასცვლის.

3/5 2015წ ათენი ღამის 3 საათი.
თემურ სისაური[ჭალელი]
ვუძღვნი ემიგრანტებს.

Πέμπτη 23 Απριλίου 2015

ემიგრანტები

ჩვენი სამშობლოს შვილები,
ბედმა შორი-შორს გაგვფანტა.
განა ისეთი ბევრნი ვართ,
შევძლოთ ერთ-ურთის დაკარგვა.
ცხოვრების უკუღმართობამ,
მშობლებს და შვილებს გაგვყარა.
ჩვენი მფარველი, მშველელი,
უცხო ქვეყანა გამხდარა.
კავკასიონზე თოვლი დევს,
არც არასოდეს გამდნარა.
შინ დაბრუნების იმედი,
არც ჩვენ გულებში გამქრალა.

25/5 2013წ ათენი.
თემურ სისაური [ჭალელი].
საქართველო.

Πέμπτη 9 Απριλίου 2015

აპრილია ატმები ყვავიან

აპრილია ატმები ყვავიან,
უსამშობლოდ დღეები გარბიან.
უთოვია წუხელ პარნინთაზე,
გამეღვიძა მზეწვიების ხმაზე.
რა მინდოდა რად ჩამოველ რაზე,
ჩემი მიწა რად გავცვალე სხვაზე.
მივატოვეთ ჩვენი მთა და ბარი,
უცხო მხარეს შევალიეთ ჯანი.
კრამიტის ღარს ავსებს წვიმის
ღვარი,
ცას აბნელებს წეროების ჯარი.
თბილისისკენ აუღიათ გეზი,
არ აშინებთ შორეული გზები.
მეც შემშურდა წეროების ბედი,
მივდივარ და ისევ აქა ვრჩები.
გულს გვიმაგრებს მეგობარი ნაღდი,
სიყვარულში გაგვივლია წლები.

9/4 2015წ ათენი.
თემურ სისაური[ჭალელი].

Τρίτη 31 Μαρτίου 2015

ყაყაჩოები შინდისთან

ყაყაჩოები შინდისთან,
სისხლისფრად შეღებილიყო.
ჩვენი ბიჭების სიცოცხლე,
ზვარაკად შეწირულიყო.
არ შეუშინდნენ ურიცხვ მტერს,
არ დაუკარგავთ იმედი.
სიკვდილის წინაც მღეროდნენ,
გაუტეხელნი მცირენი.
მეორედ დაბადებულან,
ქართლის მიწაზე გმირები.
მათ საფლავებზე არ ჭკნება,
ენძელები და იები.
საღამოს გორის ციხესთან,
როცა მზე ჩაესვენება.
ჩვენი ბიჭების სიცოცხლე,
სამშობლოს შეეწირება.
ჯიში მოყვებათ წინაპართ,
დაბადებულან გმირებად.
დასთმეს მათ ახალგაზრდობა,
ჩონგურს გაუბეს სიმებად.

ნათელში ამყოფოს უფალმა მათი სულები, რომლებმაც საკუთარი სიცოცხლე სამშობლოს თავისულებას შესწირეს. დიდება გმირებს მათი სახელები უკვდავია.
1/4 2015 ათენი.
თემურ სისაური.

Τετάρτη 18 Μαρτίου 2015

                                      ფანტელები

                   სვეტიცხოველს    დაჰფენია
   ფანტელები,
   უფლის ბედად დავრჩენილვართ
   ქართველები.
                   იდღეგრძელე საქართველო
                                                   ქართველებით,
                   მტრის ჯინაზე არასოდეს
                                         არ   გავწყდებით.
                   წიწამურთან ისევა დგას
                 სისხლის ღვარი,
   ძმათ ღალატის მომსწრე   არის
მცხეთის ჯვარი.
                   შეგვახსენებს, რეკავს მწარედ
                  გლოვის   ზარი,
                   ქართველთ მტრები გახდნენ ისევ
                    ჩვენი ძმანი.
                   სვეტიცხოველს დაჰფენია
                                               ფანტელები,
                   ომის ბიჭებს კვლავ   აუნთოთ
                                                  სანთელები.
                 გველოდება სამაჩაბლო,
                             აფხაზეთი
   მშობელ მიწას დავიბრუნებთ
                   ქართველები.




                                                            18/32015წ. ათენი
                                                                              თემურ სისაური.

Τρίτη 3 Μαρτίου 2015

                                                          დედა

                          დედა   საყვარელო,
                          დედა სანატრელო.
                          შენი ლოცვა-მადლი,
ყველგან თან დაგვდევსო.
                          შვილებზე ფიქრში,
                          ათევ ღამესო.
შორიდან ელი,
შვილის ამბებსო.
ლოდინით თვალი,
                          ცრემლით აგევსო.
წლებათ აღითქვამ,
გავლილ წამებსო.
                          შენი სიყვარული,
                          ძალას გვმატებსო.
                          შენი   სიკეთე,
                          შვილებს გვმართებსო.
დედა საყვარელო,
დედა სანატრელო.
შენი სიცოცხლე,
გულებს გვიხარებსო.
შენი სიმართლე,
გზას გვინათებსო.
შენი ლოცვა-მადლი,
ყველგან თან დაგვდევსო.


              გილოცავ დედა დედის   დღეს გისურვებ ჯამრთელობას, დიდხანს სიცოცხლეს და ყოველივე კარგს.
ვულოცავ ყველა ღირსეულ დედას დედის დღეს.

                                                  3/03 2015წ ათენი თემურ სისაური.